27 septembre 2017 par Catoupi

Bonjour, savez, mes gins ! Queus nouvelles depuis l'dernière feos ? Tout va fin bin ? Hé bé tant mieux !

Ov'là d'jà v'nu l' temps des Grands Cabarets d'octope ! Sifait, vos amisses les cancheonniers du Cabaret i seont d'jà in plein dins les répétitieons, pou vous offère ein bieau spectaque comme tous l'z'ans.

Cha s' pass'ra acor à l' salle du Forum, au Collèche de Tournai. Ceulle ainnée, pour vo facilité, i-ara ein parkinne prévu dins l' cour du collèche, in rintrant pa l' rue Claquedent.

Les dates ? Cha s' passe les 21, 22, 27, 28 et 29 octope. Adeon, ch'est les deux wékennes avant l' Toussaint ; l' verdi et l' saimdi ch't'à 20h tandis que l' diminche, ch't'à 16 heures.

Vous pouvez d'jà réserver vos plaches l' saim'di 7 octope inter 10h et 15h, et l' saim'di 14 octope inter 10h et 13h. Pour les gins qui z'eont leu carte d' mimpe, i-a toudis deux plaches gratuites. Aussineon, ch'est pos tcher : 15 euros par plache. Vous pouvez même réserver par télépheone au 069/59 01 39 mais seul'mint à partir du lundi 9 octope, pour laicher l' priorité aux mimpes qui vienn'tent querre leus plaches l' 7. Et i-ara même ein répondeur si vous app'lez pindant l' nuite.

Si vous n' réservez pos, i-ara pétête acor de l' plache el' jour-même, mais alors i n' vous faudra pos arriver à l' dernière minute.

Allez, j' vas vous laicher. J' vous dis à l' feos qui vient, et surtout ein beon amus'mint mes gins !

Catoupi

Renseignements sur www.cabaretwallon.be

Réservations samedi 7 et 14 octobre : au local de la R.C.C.W.T. rue Saint-Martin, 54