Paroles de Louis François    Musique de Emile Etienne

1.
D’puis chinquante ans, qu’i seont dins no’beonn’ ville
Les p’titis chasseurs l’z’habitants d’no Cita !
I feont vraimint parti’ d’cell’ grant’ famille,
Qu’on nomm’ partout : « Les Tournaisiens sont là… »
On l’a bien vu,sur’mint tout l’ville intière
L’trois Août quatorze, à la gar’, elle éteot
Pour acclamer ceux partant pou’ l’frontière..,
Et larm’s à l’wel comm’ on les admireot !...
Puis, on s’diseot,l’cœur in détresse
Mais n’acoutant, pour euss’que no tendresse :

Au refrain

Ah ! Wi !!  viv’nt nos p’titis chasseurs !
Comm’ on les aime…
Du feond du cœur,
On peut l’dir’ in tout honneur,
No cher troisièm’,
Vraimint on l’aim’ du fond du cœur
Ah !... Wi !! Viv’nt nos p’tits chasseurs !....

2.
I seont r'vénus, couverts d' trint'-six médalles,
Chefs et soldats, bin fiers de leu drapéeau !
Hélas, combin... dins les grantés batalles,
Héroïqu'mint, i-eont trouvé leu teombéeau !
Quand in dix'nueff, l'régimint d'ssus grand-plache,
 I a té fleuri, fêté pa' vieill' cité,
Les p'tits, les grands, au seon de l' joyeus' marche,
N' pouveottent pus orténir leu gaîté !
Tous, on canteot plins d'allégresse,
Nos gamp's, nos bras accompagnant l' gross' caisse !

Au refrain.

3.
Et quand à ç't'heure, on intind dins l' semaine,
Musiqu', claireons, tous on queurt bin viv'mint,
Pour vir passer l' régimint qui s'amène !
N'a pos à dir', cha vous rind coeur contint !
Quand i s'in veont au Camp ou bin qui r'vienn'tent,
Près d'l'estatieon, ch'est bin l'foul' des grands jours,
Les ouverriers n' weff'tent pos et s'amèn'tent !
Femm's et jeon's fill's seont là pou leus amours !
Pus d'ein soldat, dins no beonn' Ville,
Trouva s'bonheur, puis y fonda s' famille !

Au refrain.