13 janvier 2009 par L’Orculeot  

Et bé miard ! I-aveot bin lomint qu’on avéot eu des froidures parelles ! Et dire que dins l’temps, i paraît qu’ ein hiver sur deux ch ‘étéot ainsin .

I géleot à pierre finte pindant des s’maines. I aveot des candelles à les nochères, et l’ ceu qu’i- aveot des glaines au bout de s’ gardin, i d’veot aller avec ed’ l’ieau quéaute pour leu  donner à boire.

I falleot orcouvrir les carottes , les chéléris, et les navieaux avec des fouèles ou de l’ pale, ou alors on les inl’véot et on les méttéot  dins eine caisse à l’’ormisse ou à l’cafe..

I n’ falléot pos oblier d’ quéoper  l’ieau à les robinets pour qu’i n’gièl’tent pos.I falléot mette du pétréole dins l’mazout de cauffache pou qu’i n’ gièle pos. Asteur, avec l’ récauff’mint de l’ planète, on n’ busie pus à tout cha et on attrape des rutes farces.

Infin, on n’va tout d’même pos s’ plainte paç’que l’nature elle orprind l’ dessus et  qu’on a du temps d’ saiseon. ! Infin, ch’n’est quand même pos évidint pour tertous, et i a des gins qui feaut aider !

Heureus’mint qui-a d’z’ associations qui s’in occupent….et si fait freod déhors, cha leu fait quand même quéaud au cœur !

L’Orculeot