Air: "Paris canaille"

Couplet 1

Bonjour, patreon ! ...
Mettez deux verres
Hé ! Companieons,
On fait ein fier ? ...
Quoisque vous dites ?
Fauqu'ein' seul'mint...
Cha l'ira vite !
Commint ç'qu'on tient ?
Metteons les fiers
Tirez, l'z'amis !
Ein « as », Bébert
T'es-t-avec mi !
Vous t'nez à deux,
Ch'est bin d'accord...
Allez, au jeu
In 24 mort !

Refrain 1

Vas-y, Bébert,
Te prinds l'acquit
Mi j'jeue derrière
Et compt' sur mi
Te jeues à droite ?
Cha, ch'est dang'reux...
Eh bé, qu'i soite,
Mais prinds du jeu
Fais attintieon
D'faire el leong tour
T'es-t-in plein peont
Si t'arrif's court...
Jeue-le d'confiance
Et sans forcher,
Avec de l'chance
Cha va marcher

Couplet 2

Aie ! Ch'est trop court
J't'aveos prév'nu ! ....
T'n'as pos fait l'tour
Infin... i-est d'ssus...
I prenn'tent l'point...
I n'a rien d'fait...
Allez ! jeue l'tien
Risque el dogué !
Nettie bin l'fier
Et rinte et' queue...
Bâteon l'invers
Vas-y droit jeu
Aah !! ch'est trop sec
T'début's el tien !
Et t'cais avec !
On n'a pus rien

Refrain 2

Heureus'mint, mi
J'vas jeuer l'feond...
T'vas vir ichi :
Ch'ra du béteon
Tins ! d'ovlà eine
Neon, ch'est trop fort
I pass'tout d'eine,
L'ovlà dehors...
Attinds m'deuxième,
J'vas leu'z'in foute !
Berdaf ! ch'est l'même
I pass' tout-oute !
J'l'ai vu tout d'suite
Avant d'jeuer.....
Cha leu fait « huit » ...
Allez, marquez

Couplet 3

Mo dieu, ch't'ein bieau
Bébert, attinds...
Du prumier queop,
Te n'aras rien
Jeue-le par là,
A l'déplacher,
Et t'li donn'ras
Ein' baisse après
Pos d'imbitieon,
Jeue-le d'longueur...
Berdaf ! ! el peont ! !
Cha, ch't'ein malheur
Allez... mêm' jeu...
Neon ! ch'est trop doux !
... Bé t'jeuereos mieux
Avé l'gros bout !.....

Refrain 3

Mi j'vas l'l'avoir
Tins ! r,wètte el jeu !....
Ah ! vingt milliards
Ej fais fauss' queue
Ej jeueos l'pointA détourner,
Cha fait qu'ainsin
J'areos r'breonzé
Ej jeue l'coulisse,
Je l'fous à l'huche
I n'areont qu'six :
I s'reont dins l'puche
Ouïe-ouïe ! ! mauvaisse
I-est trop norri ! ...
Huit et huit, seisse
On canch' l'acquit

Couplet 4

Ah ! ch't'ein cassis
Tins ! ! cache après
Ooh, j'sus trop p'tit
J'ai trop tourné
Ein' démi-dure
In plein mitan...
Hé ! ! ... i-a d'la m'sure
Ej gann' du d'vant
Feaut êt' certain,
Prenez l'compas...
Je l'diseos bin :
L'point j-est aux as
Mais r'wètte ichi
C'pétit mourdreux,
R'wètt' comme i rit
I-a eu mes deux

Refrain 4

Vas-y, Bébert :
Ein' bell'tournante
En'jeue pos l'fier
Mets ein' collante
Neon ! ch'est trop greos
Sacré bon sang
Pourtant t'aveos
Du répondant ! ...
I n'a pus fauque
Ein' solutieon :
L'escampe à l'broque
Ou jeuer l'peont.
Allez, vas-y :
Bouf ! ch'est raté
Commint ç'qu'on vit ?
I'z'eont gagné

Coda

Hé là, patreon
Mettez les verres
Cha pos té leong
Ch'est nous qui perd
On l'l'a eu là,
Mais cha n'fait rien
On l'z'orprindra
L'sémain' qui vient