23 juin 2009 par l’Picard d’ichi, l’Orculeot, l’Infant d’Tournai et Clovis
Bonjour mes gins. D’puis l’ nouef du meos d’juin, l’Cabaret i n’écrit pus dins l’Nord Eclite. Ch’est arrivé tout d’ein queop et on n’a même pos eu l’ temps d’ vous dire d’ quoi in écrivant ein dernier billet. Adeon, on a décidé d’ l’écrire quand même ceul dernier billet même si i n’ s’ra jamais mis dins l’ journal.
« CH’EST F.I.N.I »
Ahais mes gins, ch’est l’dernier billet du Cabaret qu’on vous écrit ichi. L’dernier d’eine leongue série, puisque ceulle belle avinture elle a comminché l’ vingt et ein du meos d’ mars in deux mille six. No n’amisse, Mossieu Daniel Foucart, qui éteot l’chef d’édition à ç’ temps-là, i nous aveot d’mindé d’écrire ein billet in patois dins l’Nord Eclite.
Dins l’ liméreo ein, l’Infant d’Tournai i-aveot d’jà donné l’teon : « Cha fait qu’asteur, tous les mardis, vous allez nous ortrouver dins ceulle gazette et l’ein après l’éaute on va vous raqueonter tout quoi ç’qui s’passe dins no ville, dins l’pays et même pus leong qu’cha, mais toudis avec bramint d’humour ». Et i feaut croire que no n’orcette elle éteot beonne pasque on a bin vite su qu’ bramint d’gins liseot’tent no billet. I d’a même qui acateot’ent l’ gazette l’mardi esprès pou lire nos carabistoulles ! Tournai ch’t’ein grand villache et on n’a pos b’soin d’ statistiques à la gomme pou savoir d’quoi savez !
L’secret de no succès ? Bé, i n’d’a pos. On a écrit comme d’habitute, avec ein cœur rouche et blanc, les « choses de la vie » alfeos gaies, alfeos eine milette moinsse.
Tout i-alleot fin bin, tout l’meonte i-éteot à l’coule d’or quand ein bieau jour de juin, on a appris qu’ Mossieur Foucart i-éteot muté à Mouscreon. Malhureus’mint, on a vite compris que l’nouvieau « rédac chef » i-éteot puteot « pète-sec » et puteot « sinsatieon » qu’ « traditieon ». Ch’est l’air du temps, vous m’direz. Pétète mais ch’n’est pos su ç’n’air-là que l’Cabaret i va danser, i-aime bin trop s’liberté. Et on est seûr que tous nos Inciens dusqu’i seont asteur, i s’reont d’accord avec eç’ point d’vue.
Mais avant d’ déposer nos pleumes, on voudreot vous dire, chers amisses, qu’on a orsinti bin du bonheur à écrire nos p’tites chroniques et on espère que vous d’avez eu autant in les lisant. On vous ormercie pou vot’ fidélité et vos incourag’mints. Mais i n’vous feaut pos s’désoler, vous pourrez toudis nous ortrouver dins l’Passetoutoute. Vife l’Cabaret !
Vos amisses du Cabaret : l’Picard d’ichi, l’Orculeot, l’Infant d’Tournai et Clovis
J’supposse que l’sémaine passée, vous avez été faire vo’ d’voir ? Et
asteur, l’résultat i-est connu : ch’est l’s’écoleos qui z’eont gagné et
on va l’s’ortrouver dins l’majorité !
Quoisque cha va canger pour nous-éautes ? Pou l’quart-d’heure, pos
grand cosse. J’sais bin qu’i-in a qui m’direont : « on a bieau canger
d’politiciens, ch’n’est pos pour cha qu’on veot toudis du cang’mint ».
On est ichi in plein dins les fiêtes musicales, i-a eu l’accordéeon, i
va béteôt avoir l’fiête de l’musique, on a pouvu raviser à l’télé
l’concours Reine Elisabeth et dins tous les fancy-fair d’école, les
infants i veont s’in donner à cœur joie pou canter du mieux qui
peuv’tent. Ch’est l’fiête à l’musique et ch’est bin ainsin.
Quand j’busie à m’z’ainnées d’infance, i m’orvient des fiêtes d’famille
dusque tertous i pousseot l’cancheonnette à l’fin d’ein r’pas bin
arrosé.
I aveot des cancheonnes qui orveneotent toudis, d’z’airs pathétiques
avé d’z’infants qui s’imbarqueotent su ein batieau qui chavireot ou
acore des ringaines sintimintales dusque te demindes dusqu’i
z’alleotent l’querre.
Acore eine paire de jours, et cha y est, on va voter. I d’a qui n’aim’tent pos cha , et bé mi, cha va p’tête vous faire rire, mais j’sus fin bénaisse !
Pou des ceusses, voter ch’t’eine corvée, et bé pos pour mi , ch’est comme ein jour de fiête, paç’qu’à chaque queop j’sus secrétaire du bureau d’ votache et qu’ ch’est ein honneur pour mi d’ rinte service ainsin à l’ populatieon.
J’ai li dins la fouelle qu’eine société tournaisienne elle s’occupeot d’ « mobilité urbaine » et qu’ adeon elle cacheot à savoir dusque tous les gins i-vienn’tent et i s’in-veont. Mes gins i-z-eont fait eine espérieince dins les transports in commun à Bruxelles in muchant dins les tickets d’tram et d’ bus eine puche électronique.
Officiell’mint ch’est pou asseurer l’fluidité du trafic et pou préserver l’invireonn’mint. Mais comme cha, on peut suife les gins à l’trache et quand i feont à r’bours dins eine statieon d’métreo, les caméras d’ surveillance elles se mettent in route et elles veont printe les responsapes in gros plan.
Je n’vous apprindrai rien in vous disant qu’dins eine paire de jours, dins no chité, cha s’ra l’fiête de l’accordéeon.
Verdi au soir, su l’Plache Saint-Pierre, et dins les invireons, i-ara tous des groupes d’accordéonneux qui, tout au leong de l’soirée…et eine beonne partie de l’nuit, i veont animer l’quartier au seon du pianeo à bertielle.
Quand t’ravisses l’calinderrier, t’es alfeos bin estamperné avé tous les neoms d’saints que t’peux trouver asteur. I t’a là des neoms que te n’d’as jamais intindu parler et d’z’eautes que te n’ortouefes pus.
Ainsin, par eximpe, m’comarate l’Orculot qui écrit ichi avec dins ceulle gazette, i sait qui deot planter penn’tières à l’saint Joseph et comme s’calinderrier, ch’t’ein qui a eu au garagisse rapport à les photos qui éteotent d’sus et qui aimeot fin bin, eh, bé saint Joseph, i l’a jamais trouvé (i n’a pos voulu s’mette à côté des photos, hasard) adeon, ses penn’tières i seont toudis dins s’ermisse et i va d’voir minger des frites surgélées tout l’ainnée….
Et Adeon ? Vous n’avez pos oblier d’offère ein p’it queop d’ muguet à vo n’amoureusse, vo feimme ou vo mamère.
El’ meos d’ mai ch’est quand même ein bieau meos. Cha comminche par ein jour de congé et puis i d’a ein’ paire qui suiftent avé l’Ascensieon et même alfeos l’ Pint’coute.
L’Capitaine Haddock i-areot seûr’mint dit cha à l’ prumière pache de l’album « Le Pompei ne répond plus ».
Pasque si Hergé i-areot acor été vivant, j’ pinse qu’i-areot d’quoi dessiner et raqueonter savez. Bin seûr, ch’teot risqué d’ déleommer ein batieau belche « Pompei » ! A m’meote que ch’teot eine idée « De nul ».
Nofait, ch’n’est pos d’ détournemint d’liards, ni d’détournemint d’ mineurs que j’vas vous parler mais d’détournemint d’ conducteurs.
In beon français parlé comme i feaut, on appelle cha « déviation ». Mi qui d’meureos dins ein pétite rue trinquille, dûsqu’ i n’aveot qu’eine paire de carettes , deux ou treos tracteurs et eine masse de qu’vieaux qui passeot’ent, l’ ovlà qu ej’sus bin arringé d’puis l’ début du meos.
L’ovlà Pâques qu’i-arrife et avec tout s’tralala…Les cloques, les oués d’Pâques, et tout ç’qui s’in suit. Et aussi bin seûr l’bénédictieon « urbi et orbi » par el Pape.
Tins, tant qu’on in parle, j’voudreos bin vous in raqueonter eine sur Benoît seisse.
Hé bé mes gins, cha y est, nous ovlà acor orpartis pour ein tour, éné !
Ein tour du cadran ahais ! Diminche au matin, in cangeant toutes les aiwiles dins l’maseon, j’busieos : cha fait asteur pus d’trinte ans qu’cha dure, ç’jeu-là et on n’sait toudis pos si cha sert à eine séquoi ! Les Eurocrates quand i-zeont invinté ç-bazar, i diseott’ent qu’cha alleot servir à écolomiser l’énergie et adeon des liards.
J’sais bin qu’on n’d’jà parlé l’sémaine passée que cha soiche dins les gazettes ou à l’télé, mais j’voudreos orvénir su les propeos du Pape ! Je n’sais pos s’i l’fait esprès mais i-a des momints qu’je m’deminte si i les a acore toutes ? Aller sortir, in Afrique, qu’on n’deot pus utiliser l’préservatif alors que ch’est dins ces pays-là qu’i-a d’pus in pus d’cas d’SIDA, ch’est vraimint s’foute des gins ! Et cha n’m’éteonne pos tell’mint qu’tous les pays i s’manifestent pou moutrer d’l’indignatieon d’vant parelle déclaratieon. On saveot d’jà qu’i-éteot conservateur, mais ch’est acor pus pire que cha ! Commint ç’qu’on peut t’nir acor des discours ainsin au 21ème sièque ?
V’là qu’on vient d’publier eine inquête des pus sérieusses qu’on a même vu qu’on in parleot à l’télé et dins les gazettes : l’lanque walleonne , elle est m’nacée et pire acore no lanque picarte avec.
Eh, bé, cha ch’t’ eine affaire. Dins l’même temps, j’lis qu’in France, ein incien minisse qui n’a pus d’eaute cosse à faire, i-a proposé que l’neom de l’Picardie i disparaisse comme régieon et v’là acore pire et tant mieux. Ah, neon, on n’va pos ichi tout détricoter ainsin.
Je n’sais pos si vous avez l’ même sintimint qu’mi, mais j’trouèfe qu’i a bramint d’ gins qui feont des guifes d’ours au volant d’ leu carette.
I seont d’pus in pus pressés. Pus questieon d’ laicher leu priorité, même si ch’est pour s’ortrouver bloquer 20 mètes pus léon dins eine file ou à ein feu rouche. « J’y ai dreot, ! je l’ prinds ! »s qui s’dis’tent les gins.
Ah bé cha, j’n’in v’viens pos ! On dit alfeos qui n’a pus rien qui va dins no p’tit pays, mais i feaut dire aussi qu’les Flaminds i n’feont rien pour arringer l’z’histoires !
Z’avez intindu l’réactieon d’l’Unieon Belche de fotbal dins l’affaire du match Genk-Tubize dusque les supporters limbourgeois i-aveot’tent berlé « Les Wallons, c’est du caca ! ».
D’jà qu’aux alintours de l’fin novimpe, i-a tous les saints qu’on beot, qu’après cha, i-a les treos réveilleons, v’là qu’pou compléter l’affaire, i-a asteur l’Saint Valentin.
Mais cha, ch’est pos comme les eautes fiêtes, essaie toudis d’faire guinse comme à l’saint Eloi ou l’Sainte Barpe et t’vas vire comme te va ête orchu.
J’ai à peine fini d’mette em’ main dins m’portefouelle avec les fiêtes ed’ fin d’ainnée , qu’ vlà qu’ j’orcheos ein paire de factures à payer pou l’ meos d’ féverrier.
Tous l’z’ans, ch’est l’même : j’orcheos eine paire de douloureusses. D’abord cha comminche par l’asseurance de m’ carette. Cha aurminte toudis et cha n’diminue jamais !.I a toudis eine paire de p’tites taxes in puque.
Asteur, vous l’avez li dans vo gazette préférée ou bin vous l’avez vu à No Télé, no Cabaret i-a orchu l’Picard 2008 dins s’catégorie. Vous m’direz : ein Picard pou des vrais picards comme nous, cha paraît logique. Ouais, mais i n’feaut pos oblier que l’Picard de l’ainnée ch’est l’résultat d’ein votache.
Je n’sais pos si vous êtes comme mi mais asteur que les fiêtes elles seont passées, i-est pus que temps que j’pinse à faire régime. M’feimme elle me l’a d’ailleurs gintimint fait ormarquer quand ç’qu’on a été faire les soldes.
Quoisque vous voulez ? Les fiêtes, ch’est les fiêtes, éné ? Et comme on dit toudis qu’Tournai ch’est l’ville aux treos réveilleons et qu’on est des beons tournaisiens, on suit les traditieons.
Adeon, les flonflons de l’fiête i seont éteints et l’cabaret i vient d’clôturer s’chint’naire. Mais i-a pos l’temps dire ouf et i s’a d’jà or’mis in route.
Les p’tits cabarets i-eont orpris saim’di passé et te peux acore aller les vire c’verdi au soir ou saimdi au soir à l’étache de la Halle aux draps mais attintieon, on a orpris l’traditieon, ch’est foqu’les heommes.
N’impêche, i a acor des projets tout plein et comme i a si bin dit Jean-Pierre Verbeke dans s’cancheon, « L’cabaret cant’ra toudis ».
Et bé miard ! I-aveot bin lomint qu’on avéot eu des froidures parelles ! Et dire que dins l’temps, i paraît qu’ ein hiver sur deux ch ‘étéot ainsin .
I géleot à pierre finte pindant des s’maines. I aveot des candelles à les nochères, et l’ ceu qu’i- aveot des glaines au bout de s’ gardin, i d’veot aller avec ed’ l’ieau quéaute pour leu donner à boire.
Tous l’z ans, à ceulle période, je m’ raminvre les jours de l’an de m’jeonesse.
De ç’temps-là, on n’ connisseot pos les joies du réveillon, adeon on se l’veot d’ beonne heure pour dire « Beonne ainnée, beonne santé » à ses parints. Alfeos, on leu réciteot ein bieau complimint qu’on aveot appris à l’école.
Ceulle feos, cha y-est, 2008 i-est out ! Et comme l’traditieon elle le veut, ch’est tout naturell’mint qu’on vient vous souhaiter eine beonne et hureusse ainnée, à vous-éautes et à les ceusses qui vous seont proches, comme on dit !
Cha y est ! Nous ovlà d’dins ! Les fiêtes i-eont comminchées et les illuminatieons i z’orviennent tout partout ! In ville bin seûr ! Et bin souvint ch’est fait avec goût. Pinsez à no Bieffreo par eximpe. Là où cha d’vient moins « normal » ch’est dins les campanes.
D’nos jours si t’as pos d’ordinateur ch’est ein p’tit queop comme si te t’ortrouveos tout nu su l’grand plache ein jour des quate cortèches.
Et tertous i s’ sert de cha comme de l’wassinque pou nettier l’tape après l’repas.
Et t’es dév’nu tell’mint dépindant que quand t’as pos l’connexieon, eh bé, t’direos que l’monte i s’écroule….
Vous n’pouvez pos savoir comme j’ai l’coeur in peine ! Diminche au soir, pou l’dernière feos, l’rideau i-a cait su l’Orvue du Chint’naire ! Pindant pus d’deux meos, on s’a dem’nés pour présinter ein spectaque qui rappel’reot les orvues d’dins l’temps. Et quand ç’que j’vous arai dit qu’i-a pus d’cheonq mille perseonnes qu’i seont v’nus l’vir, vous comperdez que ch’t’ein évén’mint qui-éteot attindu dins l’régieon ! Et ch’est toudis avec ein pinc’mint au cœur qu’on s’in va mette pinte ses habits pou l’dernière feos, même si on est bin seûr contint d’avoir donné bramint d’plaisi à les gins.
Bonjour mes gins. Dins treos s’maines, ch’est les fiêtes de fin d’ainnée et comme d’habitute vous cachez eine idée d’cadeau pou vo famille ou vos amisses. Hé bé n’cachez surtout pus : acatez l’life-souv’nir « Chint ans d’ Cabaret ».
C’gardin-là, i n’ conneot pos l’pluèfe, ni l’ gélée et les plantes qui vif’tent là, elles sont bin apouchennées. Pou l’ trouver, pos b’soin d’ cacher bin leon pasqu’i s’muche dins ein bieau p’tit villache, tout au nord d’ no Wallonie Picarte, à deux pas du pays des Nordisses.
L’aménag’mint d’ no Grand Plache i-a dix ans, l’ rénovatieon des quais en 2006, cha a d’jà orsaqué eine masse de plaches pou l’parkinache.
Et asteur, l’ovlà Mossieu Michelin qui arrife avec ses s’melles in caoutchouc. S’app’ler ainsin et avoir l’idée d’ ruer acor eine masse d’auteos in dehors du quartier Noter- Dame, i feaut l’faire éné !
C’t’ainnée ch’est l’ainnée du chint’naire du cabaret, l’ceu qui ne l’sait pos acore, eh, bé ch’est qui vint d’arriver à Tournai.
Je n’vas pos orprinte ichi tout quoi ç’ que l’cabaret i-a mis sur pied d’exceptionnel, on n’d’a d’jà parlé souvint. Mais ch’est pos pour cha qu’on in oblie les grantes traditieons, j’veux parler des grands cabarets.
Je ne sais pos si t’es comme mi, mais, mi, eine feos du soir arrivé, quand j’rinte à m’maseon, j’aime bin d’m’assire ein p’tit queop dins m’divan et d’lire l’gazette.
Hé bé queulle histoire ! On nache in plein dins la crisse ! D’puis eine sémaine, te veos les banques qui croul’tent, les eines après l’z’éautes ! Infin, quand j’dis qui croul’tent, n’feaut tout n’même pos exagérer ! Diseons qu’i-eont d’jà connu des momints pus agréapes !
L’problème dins ç’t’affaire, ch’est qu’les gins i’s eont paniqué et qu’cha a intraîné tertous dins l’tourminte.
Vous z’ allez seûr’mint m’ printe pour ein seot quand j’ vous dirai ç’que j’ai fait diminche avant deîner. J’vous jure que ch’étéot fin agréape et qu’j’ai là fait eine chère de roi.
J’suppose que comme mi t’as li dins l’gazette et t’as vu à No télé qu’nos bourguemettes i s’aveotent tertous réunis à Mouscron pou parler d’eine même veox dins l’concert politique d’asteur qui soit dit in passant ch’est eine belle cacophonie.
Ch’est ein tout p’tit peu du récauffé, te m’diras mais cha reste quand même d’actualité…
Vous êtes dins les « moins jeones » et vous voulez vous raminvrer l’temps passé ? Vous avez moins d’chinquante ans et vous voulez vir commint c’qu’on fêteot l’Cancheonne Wallonne « dins l’temps » ?
Bonjour, savez, mes gins.
Cha i-est ! Ceulle feos-chi, on est d’dins ! Les vacances i seont out !
D’puis eine sémaine, l’vie elle a orpris dins tous les secteurs.
El Billet du Cabaret - Nord-Eclair
