Comme tertous i l’sait, l’cat i-est dins l’horloche dins no ménache belche. Ouais, i-a du divorce dins l’air dins l’couple Flamind-Walleon, i feaut dire que ch’t’ein ménache à treos avé Brusselles et qu’tous les deux i veul’tent garder l’treosième larron.
Je n’vous apprindrai rien in disant qu’no pays i-a acor été s’queué l’semaine dernière avé l’démissieon d’no prumier minisse ! I falleot pourtant s’in douter. Les Flaminds inter eusses, i n’veont tout n’même pos s’minger, i n’a pos d’danger.
Je n’sais pos si vous avez suivi l’actualité de l’fin du meos d’juin mais j’vas ichi vous l’ormette à l’esprit.
Tous les p’tits rambiles d’sixième ainnée primaire i-eont passé ein
examin final avant d’faire l’grand pas pou l’école secondaire (mais
rassurez-vous, i-a les vacances avant).
J’supposse que comme tertous vous
s’in êtes rindus queompte : ch’est les soldes ! Avec tout’ l’publicité
qu’on veot tout partout, on n’sareot pos passer à côté ! Vingt
pourchints par ichi, trinte pourchints par-là, t’es bin forché d’suife
el mouv’mint et de t’laicher avoir ! Pasque tous l’s ans, ch’t’ainsin,
in janvier et in juin. Infin avant, à m’mote que ch’éteot pus tard que
cha, in juillet j’pinse, mais comme i’s avanch’tent eine milette
chaque ainnée, on l’s’ara béteôt à l’Pint’côte !
Ainsin madame Onkelinkx, elle a décidé qu’les étudiants d’septième
année in méd’cine qui aveotent réussi leu z’examens, i pourreotent bin
exercer leu métier.
Bé mi j’sus fin bénaisse, j’pourrai infin avoir ein rindez-vous chez
m’occulisse avant treos meos pou canger mes neunettes qu’j’ai laissé
bourler et qui seont esquintées.
L’eaute jour au matin, in écoutant l’journal parlé à m’pétit poste,
i-aveot vraimint d’quoi raller à m’lit et n’pos aller ouvrer tell’mint
qu’les nouvelles i z’éteo’tent mauvaisses.
Ch’est pos croyape ! L’lundi au
matin quand t’ouvères el poste d’radieo ou qu’te lis t’gazette, ç’qui
t’frappe à chaque queop ch’est les accidints et les morts qu’on veot su
nos routes pindant l’wékène ! Et i n’a pos ein lundi qui est à part des
éautes. Et à ç’matin acore : ein jeone de dix-siept ans qu’i-est mort
du côté d’Ath et ein heomme à moto à Ram’nies-Chin.
J’vas vous parler d’eine épreufe « reine » sans véleo.
I n’
feaut pos queurir à Paris ou à Wimbledon pou l’ suife, ch’est l’
concours Reine Elisabeth. Et pos l’ « Concours Lili » comme j’ai vu
dins eine gazette ! Est-ce qu’on dit « Roland Gaga » ?
J’espère que comme tertous vous avez
bin profité du leong et beon wék-ène qu’on a eu ! On se s’reot d’jà cru
in été ! Et ch’est vrai qu’cha fait du bin d’vir el’solel. Et comm’ bin
seûr on veut profiter à feond d’ses prumiers rayeons, l’apéro du
diminche i s’prind su l’terrasse !
Je n’sais pos si te l’sais mais i va s’passer c’wékenne à l’Maseon de l’Culture ein évén’mint estraordinaire.
Ahais, dins l’cadre des chint ans du Cabaret, mes gins i z’eont eu l’riche idée d’mette sur pieds eine journée espéciale d’ z’infants autour d’no lanque à nous z’eautes, d’no folklore, d’no n’idintité quoi.
Vous n’connissez pos l’nouvelle ? L’Cabaret Walleon, qui fiête c’t’ainnée-chi l’chintième anniversaire de s’fondatieon, i va deonner ein Cabaret rien qu’pour les feimmes !
Queu bieau cadeau pou no chint ans à nous z’eautes qu’on défind no belle lanque que d’vire sortir ein film qui met ainsin à l’honneur l’parlache d’par ichi.
Je n’sais pos si vous avez li dans l’gazette l’semaine dernière que les livreus d’mazout i’s’plaigneot’tent pasque les commandes elles ne suiveot’tent pus ! Quoisqu’on in peut si n’fait pos freod ! On n’va tout n’même pos l’brûler pou leu faire plaisi ! A c’prix-là ! Tins, in parlant du prix, comme el mazout, i n’fait qu’aurminter, que l’gaz ch’est du parel au même, on nous conselle asteur d’utiliser des énergies or’nouv’lables pasque d’abord ch’est meilleu pou l’planète et in puque cha nous coûte moins tchier !
J’supposse que si vous m’lisez, ch’est qu’vous aimez bin no patois et l’Cabaret Walleon ! Mais in ç’début d’féverrier, ch’est aussi l’lanch’mint de l’nouvelle saiseon des Filles, celles Picartes ! Et saim’di au soir à l’Halle aux Draps, l’salle elle éteot rimplie pou leu prumier spectacle. Et ceulle prumière, elle a été réussie !
J’aveos bin intindu par chi par là que l’poste elle alleot serrer des bureaux et j’trouveos cha déguelasse déjà ,mais v’là qu’asteur, j’viens d’apprinte qu’ch’éteot l’bureau tout près de m’maseon qui alleot serrer el’28 du meos d’janvier et cha m’fait ein choc.
Banjour, mi, j’sus Ernest, ein greos lapin él’vé à Eperchin pa ein amoureux de m’race qui a des camuches tout au feond de s’gardin.
Ainsin, quand l’lundi perdu i s’anneonche, i nous passe l’cancheonne d’Albert Coens et on s’console tertous in s’disant qu’ch’est ein honneur d’ête mingé pa les Tournaisiens.
Allez acor ein tout p’tit queop d’ fourchette à deonner, eine paire de verres à chuffler, eine pétite guisse de galette à intasser après tout l’reste et nous-éautes les Tournaisiens et tous nos amisses qui aim’ tent bin l’lapin, hé bé on s’ra acor les gagnants du championnat des galfards de Wallonie.
L’eaute jour que j’deveos aller r’querre m’file à l’aréoport et qu’j’éteos in r’tard, j’m’énerveos dins m’carrette. Infin arrivé, juss à temps, j’ai quand même dû attinte.. et j’veyeos là tous les gins, qui éteotent aussi pressés dix minutes avant qui attindeotent. Sans rien faire.
Je n’vous apprind’rai rien in vous disant que les fiêtes de fin d’ainnée i’s approch’tent. Et avec eusses, l’cavalcade dins les magasins pou trouver les cadéaux, les vins et l’nourriture pou les réveilleons. Du queop, m’feimme elle m’a déréveillé diminche au matin pour aller faire les commissieons pasque les grantes surfaces i-éteot’tent ouvertes à partir de huit heures et d’mi !
Cha y est ! No n' ex-futur prumier minisse ou bin no futur prumier minisse (on n'sait pus ç'qui feaut pinser), i a acor perdu eine belle occasieon de s'taire saimdi. On creot toudis qu'cha n's'ra jamais pire, et bé neon, ch'est l'cantraire, ch'est d'pire in pire et jamais mieux.
Les derniers châlets i pouss’tent d’su l’Grand Plache comme des champigneons d’prairie après l’plouèfe ! Dins les magasins i-a d’jà bin du dallache ! Et les orclames pou les fiêtes, elles caitent dins les boîtes aux lettes comme des gruaux d’mars ! I va falloir acater, boire et minger tout cha ?
J'suppose que t'as d'jà vu ou intindu parler d'ceulle émissieon d'RTL : " Pus malin qu'ein infant d'primaire ? "
I n'sav'tent pus quoi faire pou attirer l'client et cha marche.
J’ai li dins eine gazette qu’à l’velle de l’Toussaint i-a des jeones , in beonne santé, qui rintent dins l’ chim’tière avé leu carrette .Et qui veont s’arrêter pa-d’vant l’tombe pou déposer leu potée !
El Billet du Cabaret - Nord-Eclair
