I-a pos à dire mais s'mette in route pa les temps qui queur'tent cha a tout du parcours du combattant.
Si te veux d'aller à pis, te deos toudis raviser dusque t' les mets (tes pis tins) tell'mint que t'risques à chaque pas d'cheonqu'lier dins ein treo de l'rache qu'i-a là des travéaux à tous les coins d'rue et qu'on n'attind pos qu'i d'a ein d'fi ni pou mette l'eaute in route.
Prumier d'avril, tout l'meonte i l'sait ch'est l' jour que tertous i-aime bin d'faire des farces à les eautes.
Ch'est eine traditieon que je n'sais pos de dusqu'elle vient mais l'principal ch'est que tant qu'ch'est bin fait cha nous fait toudis rire ein p'tit pos, surtout qu'in ç'moumint cha n'est pos la joie tout partout.
Eh bé à Tournai ç'prumier d'avril cha va péquer, ouais pasque ch'est justemint l'jour qu'no carnaval va s'mette in route.
Banjour les amisses, Ej' vous l' dis tout d'eine, ceulle histoire est eine pure fi ctieon.
Ceull' homme, mossieu Moijeux, i-écrit eine pièche... Ein vrai chef-d'oeuvre à ç'qu'i dit... I s'met in tiête de l'mette in scène, et pour cha, i feaut qu'i trouèfe des gins qui voudreont bin faire les guignols avec li mais surtout pour li.
Pou l'z'appâter, i dit que s' santé, elle n'est pos beonne, qu'i va béteot morir et qu'cha li f'reot plaisi d'êt' su les planques au moinsse acore eine feos.
I-a pos à dire mais i-a des queops dusqu’on s’déminte dins queulle société qu’on vit.
Que t’soiches jeone ou bin vieux, les problèmes i seont les mêmes: pétit, te deos t’ batte pou trouver eine plache dins eine crêche et vieux, bé, ch’est pou trover eine plache dins ein home qu’i t’ feaut t’inscrire bin à l’avanche.
T’as à peine qu’minché t’n’existince que d’jà l’société, elle se fout pos mal de ti et au bout du parcours, ch’est toudis l’même jeu, débroull’-te…
Mais qu' ch'est dur à m'n'âche! Si j'vas dormir à eine heure du matin, i m'feaut eine sémaine pou m'ormette.
Ténez: l' sémaine d'avant, j'ai été vir deux queops l' Cabaret Walleon: du saim'di, ch'éteot dins eine églisse, à Kain. L' curé i-a dit qu'i-aveot lommint qu'i n'aveot pus eu autant d'gins dins s'n'églisse. Si i mettreot ein bar dins l' feond d' l'églisse à la fin d'tous les messes, pétête que les gins i venn'reottent pus nombreux... et qu'i restereottent après!
Ch'est vrai qu'i-aveot lommint qu'on aveot intindu parler d'eusses, mais l'ovlà qui z'orvienn'tent. J' parle des ceusses qui ru'tent des tartes à l' tiête des gins qui feont ou qui dis'tent des coules, et bin pire que cha.
In beon français, on l' z'appelle les «entarteurs ». In patois, on pourreot les z'app'ler les «impapeneux» ou bin les «imbernateux».
I d'a qu'cha amusse et i d'a d'z'eautes que cha n'amusse pos. Mi, dins tous les cas, cha m'amusse.
D'puis qu' j'éteos infant j' n'aveos jamais busié qu'à cha, rinveyer du mieux possipe ceulle pétite balle à l'ceulle qui s'reot in face de mi.
Ouais mais tout cha in souhaitant qu'elle ne r'venn'reot pos de m' côté.
I m'a fallu bin du corache pou arriver à ête l' meilleure, pos de m' quartier ni même de m' pays ! Neon mi ch'éteot l' meilleure du meonte et cha bin seûr in orpinsant à tous les modèles que j'aveos eu dins m' jeonesse, ouais ces fi les qu'i-éteotent arrivé à faire presque aussi bin qu' les heommes in maniant ceulle raquette du mieux qu'i pouveottent.
Et alors queus nouvelles ? Ch’est les riches qui l’eont pus belle ! Mo, bé j’ai d’jà intindu cha eine séchu…
A part cha, in veyant l’titre, vous d’vez s’deminder seûr’mint de qui ç’que j’veux parler ? N’avez pos trouvé ? Bé, verdi passé, j’ai été vir les Filles, celles picartes qui comminch’tent leu nouvelle saiseon. Ch’éteot l’prumière et i z’aveot’tent l’trac. On areot dit qui z’aveot’tent perdu leu quinzaine. Infin cha, cha s’comprind, éné ? L’prumière feos, on s’deminte toudis commint qu’cha va aller ! Mais après, cha a été tout seu…
J' suposse que vous avez intindu parler qu'Dany Boon i vient d' sortir ein nouvieau fi lm. Et ç' qu'on espère, ch'est qu'i-ara bramint d' succès.
Ch'est vrai que l' douane ch't'ein sujet qui peut am'ner bin d'z'histoires tell'mint qu'i s'in a passé à les frontières pindant des dizaines d'ainnées.
Et tant qu'on y est, j' voudreos ichi vous parler d'Valentin qui d'meureot du côté de l'Glan'rie. Meon heomme, i-aveot tous les trucs pou li frauder. I n'a jamais ouvré de s'vie mais les liards i-eont toudis cait, ainsin sans misère.
Ahais, vous z'allez pos m' croire, z'allez pétête caire in bas d' vo cayère, ou bin z'allez dire qu'i va caire ed'z'ours... mais sifet, pour ein queop, je n' vas pos démépriser, et j' direos même puque: ej' vas dire du bin!
J' vous esplique: comme ej' sus-teine vielle feimme qui c'mminche tout douch'mint à avoir ed'z'innuis d' santé, i m'a follu aller eine paire de jours à l' clinique, dins ein service qui s'occupe de m' cas.
Ch'est à n' pos croire comme ein an cha passe vite, éné!
Surtout qu'au Cabaret, on n'arrête pos bramint tout au leong d'l'ainnée, avé les p'tits cabarets in janvier et in mars, l' fi ête du Cabaret in sétimpe et l'Orvue du meos d'novimpe.
Et i feaut cor rajouter tout des prestatieons philanthropiques qu'on fait gratuit'mint, cha va sans dire. Mais cha va acor mieux in l' disant...
Ej' me souviens que quançque j'éteos p'tit rambille - i-a bin eine chinquantaine d'ainnée - au jour de l'an, el' prumière visite qu'on f'seot, bin avant d'aller chez les beons papas et beonnes mamans, ch'éteot, avé tous les cousines et les cousins de m'mopère et de m'mamère, aller souhaiter eine bonne année à eine vielle matante qui resteot rue As Pois (Malvina qu'elle s'app'leot, eine sainte...).
Adeon, on s'ortrouveot bin à eine vingtaine dins l'plache de d'vant. Nous eaut's, les p'tits, on aveot foqu' dreot à ein morcieau d'chucolat, mais les grands, ch'éteot l'goutte et l'café.
J'espère bin qu'pour vous, pour vo famile et qu'pour tous les gins qu' vous aimez bin, que l' fi ête de Noé et que l'réveilleon d' nouvel an i s'eont bin passés.
On n' peut pos dire el' contraire, eç' t'ainnée, pou l'z'infants et les grands infants (et j' sus seûr qu'i d'a eine masse) on peut dire qu'on a eu de l' sanche d'avoir ein Noé Blanc.
On n'aveot pus vu cha à Uccle ed'puis mille noué chint soixante quate.
Eh, bé mes gins comme l'temps i passe, nous ov'là béteot au Noé, on n' s'a pos rindu queompte qu'on y arriveot.
I-a cor d'cha eine paire d'ainnées, tertous i désespéreot d'avoir ein Noé blanc tell'mint que l'temps i s'radoucicheot mais ç't'ainnée, l'neiche elle a pris tertous d'court, et si Noé i n'est pos blanc, l'z'eautes fi êtes i z'eont bin pris l'avanche, on a eu ein Saint Eloi, blanc, eine sainte Barpe blanque, ein saint Nicolas blanc et j'in passe. Neon pos ein Toussaint blanc, i n'feaut pos exagérer cha ch'est pou dins eine paire d'ainnées pétête.
Adeon, l'Noé cha n'ra pus eine surprisse si i-est tout blanc.
J'supposse que vous avez suivi avec bramint d'attintieon l'désignatieon pou l'Coupe du Meonte 2018. Ainsin, cha s'f'ra in Russie.
Et j'sus seûr qu'i-a bramint d'amateurs de fotbal qui deot'tent ête déçus. Pinsez deonc, on areot eu des matches par ichi, à Charleroi, à Bruches, à Lièche ! Ahais mais cha ch'est ein des côtés d'l'affaire. D'ein éaute côté, mi j'trouèfe que ch'est p'tête eine beonne queosse que cha n'se f'ra pos ichi.
D'abord, falleot d'jà ormette les states in orte ou bin in construire des nouvieaux. Sans queompter qu'on areot d'vu in prévoir des grands !
Les Tournaisiens i n'saf'tent pus à quoi s'in t'nir les jours de marché!
Dins l'temps, ch'éteot bin simpe. Tous les semaines, les marchés i-aveotent lieu au même indreot, l'marché d'l'Imp'reur su l'Grand-Plache, l'marché aux fl eurs su l'plache des Acacias, l'marché aux légueumes su l'plache Saint-Pierre et l'marché aux volales su l'quai.
I-a foc qu'pindant l'karmesse d' sétimpe et d'mai, quand i-aveot l'foire, que l'marché d'l'Imp'reur i d'veot désalter.
Bé je n' sais pos vous z'éautes, mes gins, mais mi, quanç' que j'ouvère em'n'aginda, j'ai alfeos invie d'm'infuir in queurant. Je n' sais pus par dù!
Eine feos passé l' meos d' novimpe qui-est à mitan calme, on est parti pou fi êter tous les saints: et l' pire, ch'est Saint-Nicolas, vu qu'on l'fîete à l' maseon, chez les parrains, les marraines, chez les pépères, les mémères, les papys, les mamys, les moneonques et les matantes.In attindant, tertous i dépinse bramint des liards pou faire des cadéaux à les infants qui seont tell'mint gâtés qu'alfeos i-oblit'tent d' dire merci. Et bin seûr on beot ein p'tit verre et alfeos on minche ein morcieau.
I n'arrête pos d' m'imbêter, et on n'peut rien li dire. Et quand on li dit eine séquoi, i-a toudis eine pièche à mette au treo.
Par eximpe, l'éaute queop, j' li dis ainsin qu'i s'reot temps qu'i queope l'hierpe dins s' gardin, vu qu' les pichoulits i commincheotent à avoir des s'minches.
Ch'est acor mi ! J'vous esplique. J'n'ai pos jeué dins l'orvue ç'queop-chi, adeon j'ai rimplaché mes amisses à l'écriture pindant eine paire de s'maines. Asteur mes gins i seont acor eine milette mates, adeon j' jeue les prolongatieons.
I seont mates, bé je l'comprinds pasqu' écrire eine orvue et jeuer d'dins, cha d'mande bramint d'ouvrache. Mais comme i diseot moneonqu' Ernest, l'traval cha paie toudis ! Mais beon, je n' vas pos ichi vous orparler d' no n'or'vue in détal, Etienne Boussemart i l'a d'jà fait dins la fouèle et seur'mint mieusse que j' pourreos l' faire vu qu' li i-est journaleu.
Nouvieau projet d’hôtel quate étoiles à Tournai. On laiche caire l’ Tour Michelin et on orvient à eine séquoi d’ pus discret.
A l’ plache d’ l’Evêché on warde l’devanture des Inciens Prêtres. I n’aveot pos d’eaute solutieon, ch’t’ein molumint classé ! I n’eont qu’à nettier les murs, ainsin i z’areont bramint d’ subsides, ch’est toudis cha d’ gagné.
L' dossier du Peont des Treos i-orfait surface adeon. Et on nous orparle acor des deux plans possipes.
L'prumier, l' plan de l'Ville. On passe à côté du Peont des Treos pa l' rife droite et on in profi te pour faire ein bieau p'tit port de plaisance.
App'leons cha l' plan 'B' pasqu'i dis'tent qu'on ne l' f'ra pétête jamais. I coûte trop tchier et puis d'après les «espécialisses», les batieaux i veont avoir du mau à printe eç' virache à droite ou à gauche, cha dépind d' queu côté on vient éné. Mais mes gins, j' sus seûr qu'i n'eont jamais meonté d'su ein baquet d' leu vie hasard!
Et avec cha, i-a ceulle dreôle de fi ête d'Hallowine. Cha m'a r'deonné invie d' démépriser.
Queulle histoire ! Au début qu' ceulle coutume elle a arrivé chez nous z'éautes, in v'nant d'Amérique, mi j' pinseos qu' ch'éteot l' fi ête du téléphone.
Bé j'ai vite campris qu' ch'éteot pos cha... Mi que j' passe l'été à inl'ver les pichoulits dins mes graviers (j' vous in ai parlé l'ainnée passée), l'hiver à déblayer l' neiche de m' trottoir (ch'est pos comme em' visin d'in face), l' printemps à tout bin nettier l' maseon et l'automne à inl'ver l'z'arnitoiles tout partout dins m' baraque, je n' comprinds pos les gins qui fout'tent esprès des arnitoiles et d'z'areonnes tout plein su leus façates.
J'éteos pourtant bin décidé à vous écrire eine belle bafoule. Et puis, au moumint de mette sur el papier tout ç' que j'aveos in tiête d'puis eine paire de s'maines, berdaf, pus d'idées, pus moyen de m' raminvrer eine séquoi, pus rien; ch'est ç' qu'on appelle chez l'z'écrivains ou les compositeux de cancheons ou d' musique, le trou noir: ej' m'ai ortrouvé pa-d'vant ein' pache blanque. J'ai eu bieau creuser mes méninches (ej' deos dire que je n' d'ai pos beauqueop): RIEN DE RIEN, pos ein meot, pos eine phrasse.
J'ai essayé de m' raiseonner in m' disant: ch'est pos possipe; hier au soir, t'aveos acor ed'z'idées plein t' tiête.
Quand ç’que l’Karmesse elle est oute, i-a eine éaute traditieon qu’on n’voudreot pos rater dins no ville, ch’est l’Orvue du Cabaret Walleon, qu’on app’leot avant «Les Grands Cabarets» et qui n’seont pos sans rapp’ler les fameusses «Orvues de l’Karmesse» d’antan.
Hé bé, vous n’allez pétête pos m’croire, mais l’titre d’ceulle ainnée-chi, ch’est «52 rue Saint-Martin».
Mi comme ein annochint, je m’ai bin d’mindé dusque ch’est qu’i z’aveot’tent été caire cha. Mais m’viseine, que s’masoeur elle va alfeos deonner ein tour de loques dins l’local de l’Companie, elle in saveot bin puque. Du queop, comme ch’t’ein grante lanque, elle m’a raqueonté tout quoi ç’qu’i-alleot s’passer. Infin, ç’qu’elle supposse pasque veyez, s’masoeur elle n’a vu foque eine paire de fouèles qui z’aveot’tent laiché traîner d’su l’tape.
Tout d’abord, on parleot d’ein «Rudy». Mais comme i d’a ein dins l’Companie qui s’préleomme ainsin, elle n’a pos su m’dire si on alleot dresser s’portrait!
Elle m’a aussi parlé d’flaminds, mais par les temps qui queur’tent, on in veot tout partout.
S’masoeur elle a même trouvé su l’tape eine invitatieon à n’ein mariache. Ch’est pour dire qu’i laich’tent tout traîner tout n’même!
I-aveot même ein papier dusqu’i-éteot marqué «Poubelles». J’supposse que ch’teot l’jour qu’i falleot les sortir ?
Infin d’après ç’que m’viseine elle m’a dit, cha n’va pos ête triste l’Orvue d’ ceulle ainnée! Hé bé tant mieux. Cha nous cang’ra d’ l’actualité pasque pou l’momint i n’a pos d’quoi rire, éné ?
Mais seul’mint j’n’ai toudis pos compris dusqu’i z’eont été caire ç’titre ? Ah mais vingt neoms, que j’sus biête, j’areos d’vu y pinser pus teôt !
Z’avez trouvé ? Neon, hé bé alors, rindezvous à l’Maseon de l’Culture: cha va s’passer l’trinte et l’ trinte et ein octope, et les cheonq, six et siept novimpe. Et si vous voulez des plaches, vous pourrez aller les caire à l’locatieon qui s’f’ra au même indreot les seisse et vingttreos de ç’meos-chi (de onze heures, à l’apéro, jusqu’à treos heures d’l’après-deîner).
Beon, là-d’ssus, j’vas vous laicher, et j’vous deonne rindez-vous…au chinquante-deux, rue Saint-Martin!
Sans canger d'ouvrache et in d'meurant toudis dins l' même rue et dins l' même villache, l'ovlà que j'mets cheonq minutes in puque pour mi aller ouvrer, et du queop, cheonq minutes in puque pour mi orvénir de m'n'ouvrache.
Vous vous rindez queompte! Cha fait dix minutes par jour, cha fait treos heures par meos, et quate journées d'ouvrache de huit heures par an.
On sait in faire ed' z'affaires d'su quate jours: ouvrer dins s'gardin, lire eine paire de lifes, r'mette in couleur, faire des cancheons pour l' Cabaret Walleon......
L' semaine passée, à notélé, i aveot ein fin bieau orportache! On moutreot ein jeone ménache de Willemeau. L'heomme a comminché in disant «On a eu comme un grain de folie».
Et adeon i-a espliqué que s'feimme et li i z éteot'tent écolos et qui vouleot'tent «assumer leurs convictions». Et pou cha, i falleot polluer moins. Adeon i z'eont orvindu leu carette et i'z'eont rinvoyé leu plaques à l'administratieon.
Ch'est pos bieau des affaires ainsin! Surtout qu' bin souvint les gins i dis'tent eine séquoi et après i feont tout l'cantraire!
Comme tous l’z’ans, au mitan du meos d’ sétimpe, ch’est fiête au Cabaret : l’ diminche dix-noué, cha comminche à nouèf heures, par ein hommache du Cabaret au Pichou Saint-Piat. Tout l’ meonte i peut v’nir canter avec eusses « Les Tournaisiens seont là » pa d’vant l’ fontaine, avant d’ormeonter à l’hôtel de ville.
Là, à dix heures, cha s’ra ein programme fort intéressant : après l’ meot du présisint (cha, on n’ peut pos y écapper) et l’ meot du bourguémette (on n’ voudreot pos rater cha), on pourra acouter madame Colette Nys pour eine pétite causerie et l’ groupe Osmose pour ein p’tit tour de chant.
Après cha, cha s’ra l’ormisse des prix du Concours Prayez. Les gins qui z’eont gagné ceulle ainnée, ch’est : Laurence Lacante (prumier prix), Vincent Cuignet et Michel Lepoutre dins l’ prumière divisieon. Dins l’ deuxième divisieon, su l’ sujet imposé « Ch’est l’ momint d’in parler », ch’est tout d’z’habitués du concours qui z’eont gagné : Marie-Astrid Ghislain elle a eu l’ prumier prix, suivie par Alexandra Caufriez et Henri Vivier.
Les ceux qui z’eont eu ein prumier prix i veont canter leu cancheonne, et après cha i-ara eine séance de cabaret par les cancheonniers de l’ Compagnie. Et j’ vous anneonche eine toute grante surprisse ! Les fidèles du Cabaret i n’ veont pos in r’vénir ! Mais comme ch’est eine surprisse, je n’ peux pos vous in dire puque, sineon l’ ceu du Cabaret qui m’a fait l’ confidince i va m’in vouloir tout m’ vie.
Et comme toudis, après l’ séance des photeos, on pourra aller boire el’ verre ed’ l’amitié avé les cancheonniers. Et eusses i continut’tent après cha par ein p’tit banquet.
Adeon, faites comme mi : écrivez dins vo n’aginda à l’ date du dix-noué sétimpe : ch’est fiête au Cabaret !
Hureus’mint qu’à l’Ville i n’ s’eont pos abusés et qu’i n’eont pos cru les cacoules d’ein journaleu d’eine gazette locale qui prétindeot que l’karmesse, elle se carculeot in fonctieon du saim’di el pus près du huit sétimpe, et pos du diminche.
Si i-aveot été orlire les gazettes des ainnées septante ou quater-vingt, i-areot su tout d’suite que l’karmesse elle comminche avé l’diminche l’pus près du huit… Ah les journaleus, i d’a qui raqueontent n’importe quéo !
Eh, bé mes gins, j'ai eu l'esquite ichi pindint les vacances.
Vous avez intindu comme mi, qui a eine banque (s'neom i comminche comme «ingélé») qui a voulu mette au pas les gins d'soixante ans et comme j'vas béteôt l'z'avoir, j'ai bin eu de l'détoule. Hureus'mint, m'feimme elle est pus jeone, cha nous deonne ein p'tit queop d'marche de manoeufe.
Les banques i dis'tent que ch't'eine mesure sociale pou protéger les vieux (merci pou l'meot vieux). Qu'i soich'tent contints qu'les vieux i z'eont mis leu liards su leu queompte tout leu vie.
Tertous i-a seur'mint acore dins s'tiête des souv'nirs inoubliapes d'vacances avé ses cousins. Ch'éteot l'pus souvint à l'Mer du Nord quand les Flaminds i z'accepteotent acore d'nous parler in français.
Infin quand j'dis tout l'meonte, ch'est pos tout à fait vrai, mi, j'n'aveos pos d'cousins de m'n âche, adeon, j'n'ai pos d'souv'nirs de cha mais quand j'veos l'plaisi qu'mes infants i-z-eont eu à passer huit jours à l'mer chaque ainnée avé leus cousins, je m'dis qu'cha deot rester dins les mémoires (mais pour mi, ch'éteot huit jours avec m'belle-mère et cha reste avec dins les mémoires, i n'a pos d'doute).
Quand ç'que j'éteos rot'leot, i n'se passeot pos grand queosse à Tournai pou l'vingt-et-ein juillet à part eine paire de drapéaux belches aux ferniêtes; pos d'animatieon, pos d'concert, pos d'feu d'artifice.
On veyeot pus d'drapéaux français in ville eul quatorse juillet, même qu'i-aveot ein concert su l'Grand-Plache pa l'musique des Pompiers.
Eul vingt-et-ein, i-aveot tout l'même les manifestatieons officielles et m'mopère i m'imm'neot à l'cathédrale vir eul Te Deum.
Vouvouzella... On a l' public qu'on mérite ? Eine seule note: «proooooooooooote», et «des si belles» bintes d'albrans
qu'on n'a jamais vu cha, ola!
I pait'tent des prix d'intrée à s'infuir in sprintant comme ein bleu qui
rinte au pays, i pait'tent donc, et i creot'tent qu'on va avaler cha
qu'i seont v'nus pour eul foot.
Je n'sais pos si ch'est l'effet de l'Coupe du Meonde, et des matches
qu'on veot tous les jours, mais l'nuit passée, j'ai fait ein fameux
rêfe!
Aussi i feaut que j'vous l'raqueonte. Cha s'passeot ein diminche dins l'chité du Maroc. Savez, au bout de
l'rue Adophe Prayez. Ch'est là qu'on jeuot l'derby inter l'Unieon et
l'Racin'. Ahais, mais in provinciale pasque les inciens dirigeants et
supporters des deux clups, défoutus de n'pus vir des jeones tournaisiens
dins l'équipe du Fotbal Clup, i-aveottent orcréé les deux frères
enn'mis d'dins l'temps, les Rats et l'z'Infants.
Les examens seont finis d'puis quinze jours asteur et bramint
d'étudiants et d'élèves queurent dins les rues sans eine beonne avisse.
Je l'sais pasque quand j'ai dit au gamin de m'viseine: «Et alors, mon
grand, que fais-tu pour t'occuper pendant ces quinze jours ?» I m'a
répeondu tout d'eine «Je glande»!
Pindant ç' temps-là, les inseignants i n'eont pos été à l'tique savez!
I-z-eont corrigé eine masse de copies, orlu et orcorrigé les «échecs»,
queompté et orqueompté les points d'tous les p'tits et les grands
Einstein qu'i z'eont orchus comme cadéau pindant eine année. Et acor
même in f'sant leu n'ouvrache comme i feaut, i n' seont pos à l'abri des
rouspétances d' certains parints.
Passe-Toutoute - Passe-Partout
