10 mars 2009 par L’Orculeot  

Je n’sais pos si vous avez l’ même sintimint qu’mi, mais j’trouèfe qu’i a bramint  d’ gins qui feont des guifes d’ours au volant d’ leu carette.

I seont d’pus in pus pressés. Pus questieon d’ laicher leu priorité, même si ch’est pour s’ortrouver bloquer 20 mètes pus léon dins eine file ou à ein feu rouche.  « J’y ai dreot, ! je l’ prinds ! »s qui s’dis’tent les gins.

Et si i d’a des rares qui laichtent leu priorité, ch’n’est pos avec eul sourire qui te l’ feont comprinte. I s’excitent  dins leu carette in f’sant signe ed’ passer. Si par  malheur te n’ comptinds pos  du preumier queop, i te r’fait signe avec ein air mauvais, te veos ses lèfes ormuer, te peux d’ête seûr qu’i est in train de traiter d’tous les neoms. Infin, cha , cha n’est pos treop grafe.

Mi ç’que j’trouèfe dingeureux, ch’est tous les gins qui conduis’tent  l’ volant dins eine main et l’gsm dins l’eaute. On in veot d’pus in puque et i d’a même qui prenn’tent leu virache ave eul gsm  dins leu main.

I d’a aussi qui conduis’tent avec ein tchien su leus g’noux. J’d’ai alfeos vu des ceusses qui rouleo’tent leu cigarette in  conduisant. Infin, tout cha ch’est fort dingereux  et j’ trouèfe qu’on n’fait pos assez d’ publicité sur les dingers qu’i a  in f’sant à r’bours au volant de s’ carette !

L’Orculeot